கற்போம் கற்பிப்போம்

நீங்கள் விண்டோஸ் விஸ்டா தொகுப்பு உபயோகிப்பவராக இருப்பின் “Gadget” கள் “side bar” இல் இருக்கும் அல்லவா? அதில் உங்களது வலைப்பக்கமோ அல்லது இணையதளத்தையோ “RSS” ஆக இணைக்க விருப்பப்படுபவரா நீங்கள்? இதோ கட்டுரையை தொடருங்கள். முதலில் “Vista side bar” இல் “gadget”இல் “add new gadget” என்பதை தேர்வு செய்யவும்.

பின்னர் “RSS Flux” என்பதை உங்களது “Sidebar” இல் “Gadget” ஆக இணைத்துக்கொள்ளவும்.

இனி, நீங்கள் இணைக்கவிரும்பும் வலைப்பக்கத்திற்கோ அல்லது இணைய தளத்திற்கோ செல்லவும்.
குறிப்பு: “Internet Explorer” ஐ பயன்படுத்தி செல்லவும்.

பின்னர் உங்கள் இணையதளத்தின் “RSS Icon” ஐ அழுத்தவும்.

இது உங்களின் “RSS” இணையபக்கத்திற்கு அழைத்து செல்லும் சான்றாக “www.feedburner.com” . பின்னர் “Subscribe this page” என்பதனை தேர்வு செய்யவும்.

இனி தோன்றும் விண்டோவில் உங்களது இணையத்தின் பெயரானது இருக்கும். தேர்வு செய்து ok செய்யவும்.

இனி, விஸ்டா “gadget” க்கு சென்று “RSS gadget” இன் செட்டிங்கை கிளிக்செய்து அதில் கீழே நான் தேர்வு செய்துள்ளபடி செட்டிங் செய்துகொள்ளவும்.

அவ்வளவுதான் உங்களது இணைய தளத்தின் அல்லது வலைபக்கத்தின் “RSS Flux” ஆனது “Vista sidebar” இல் தோன்றுவதை காணலாம்.

படைப்பு பிடித்திருந்தால் மறக்காமல் வாக்களிக்கவும்.

Popularity: 10%

போட்டோஷாப்பில் நீங்கள் வலைபக்கத்திற்கான டிசைனை உருவாக்கும் போது “Inset” லைனை வைத்து டிசைன்செய்வது வழக்கம். இந்த “Inset” லைனை போட்டோஷாப்பில் அழகாக உருவாக்குவது எப்படி என விளக்குகிறேன். முதலில் போட்டோஷாப்பில் ஒரு புதிய லேயரை உருவாக்கவும். அதில் உங்களுக்கு விருப்பமான நிறத்தை நிரப்பிக்கொள்ளவும்.

இப்போது “Create New Layer” என்ப‌தை கிளிக் செய்து புதிய‌ லேய‌ர் ஒன்றை உருவாக்க‌வும்.

 பின்ன‌ர் “Pencil Tool” ஐ தேர்வுசெய்து(brush size 1), த‌ட்ட‌ச்சு ப‌ல‌கையில் “D”ஐ அழுத்த‌வும். இது உங்க‌ள‌து “Foreground மற்றும் Background” நிற‌த்தை “default” ஆக‌ ரீசெட் செய்துவிடும்.

இப்போது தட்டச்சு பலகையில் “SHIFT” ஐ அழுத்திக்கொண்டு ஒரு கோடு வரையவும். இப்போது கருப்பு நிறத்தில் மெல்லிய கோடு இருக்கும்.

இப்போது இந்த லேயரின் “Blending Options” ஐ தேர்வு செய்து நான் படத்தில் காட்டியவாறு செட் செய்யவும்.

அவ்வளவுதான் என்ன “Inset Line” கிடைத்ததா?

வெளியீடு:

படைப்பு பிடித்திருந்தால் மறக்காமல் வாக்களிக்கவும்.

Popularity: 16%

உங்களிடம் இருக்கும் வீடியோக்களை உங்களது தேவைக்கேற்ப அதனை கன்வர்ட் செய்து பயன்படுத்துவீர்கள் சான்றாக அலைபேசிக்கு, i-pod,etc….

இதற்க்கென எண்ணற்ற மென்பொருள்தொகுப்புகள் இருக்கின்றன. சில நாம் விலை கொடுத்து வாங்கக்கூடியதாக இருக்கும். சில இலவச மென்பொருள்கள் இருப்பினும் அதிகப்படியான பார்மேட்டுகளை ஆதரிப்பது இல்லை எனவே நாங்கள் இது தொடர்பான மென்பொருளை இணையத்தில் அலசிபார்த்ததில் “Media Coder” என்ற மென்பொருள் இலவசமாகவும் பயன்படுத்த ஏதுவாகவும் மேலும் நிறைய பார்மேட்டுகளையும் சப்போர்ட் செய்கிறது.

• MP3, Vorbis, AAC, AAC+/HE-AAC, AAC+v2/HE-AAC v2, MusePack, Speex, AMR, WMA, RealAudio, mp3PRO*
• FLAC, WavPack, Monkey’s Audio, OptimFrog, AAC Lossless, TTA, WAV/PCM, Waveform
• H.264, XviD, DivX, MPEG 1/2/4, Theora, Flash Video, Dirac, 3ivx*, RealVideo*, Windows Media Video
• AVI, MPEG/VOB, Matroska, MP4, PMP, RealMedia*, ASF, Quicktime*, OGM*
• CD, DVD, VCD, SVCD, CUESheet

MediaCoder, MC iPhone/iPod touch, MediaCoder special PSP போன்ற edition க‌ளில் கிடைக்கிறது.

இதனை பதிவிறக்கம் செய்து நீங்களும் பயன்படுத்திபாருங்கள்:

சுட்டி

Popularity: 33%

உங்களுடைய கைபேசியை “Bluetooth” வழியாக கணினியிலிருந்து கைபேசிக்கும் அல்லது கைபேசியிலிருந்து கணினிக்கும் கோப்புகளை பரிமாறிக்கொள்ள வேண்டும் என்று நீங்கள் நினைக்கலாம். விண்டோஸ் தொகுப்பாக இருந்தால் இதனை எளிதாக இணைத்து தகவல்களை பரிமாறிக்கொள்ளலாம். ஆனால் நீங்கள் உபுண்டு லினக்ஸை பயன்படுத்தினால் சாத்தியமா? சாத்தியமே..

புதுவை.காம் வாசகரான திரு.செல்வா அவர்கள்,

“லினக்ஸ் பற்றி அவ்வப்போது எழுதி வருவது பாராட்டிற்குறியது. உபுண்டுவில் புளூடூத் முறையில் எப்படி நமது செல்பேசியை இணைத்து கோப்புகளை பரிமாறிக் கொள்வது? என்பதை பற்றி எழுதுங்கள்”.

இதே கேள்வியை எங்களிடம் மேலும் சிலர் கேட்டிருந்தனர். எனவே இன்றைய கட்டுரையை இவர்களுக்காக படைக்கிறோம்.

உங்களிடம் இருக்கும் “Bluetooth Device” ஐ உங்களது கணினியில் பொருத்தவும். உபுண்டு அதற்கான டிரைவரை நிறுவிக்கொள்ளும். ஆனால் அனைத்து வகையான “Device” க்கும் டிரைவரை உபுண்டு நிறுவிக்கொள்ளுமா என்பதை நான் கூற இயலாது. (என்னிடம் இருந்த “Bluetooth Dongle” ஐ கணினியுடன் இணைத்தவுடன் தானாகவே டிரைவரை நிறுவிக்கொண்டது).

இனி,”Bluetooth” இயக்கத்திற்கான கோப்பை உபுண்டுவில் நிறுவவேண்டும். இதற்கு “Applications -> Accessories ->Terminal” செல்லவும், பின்னர் கீழே கொடுத்துள்ள கமாண்டை தட்டச்சு செய்து என்டர் செய்யவும்.

sudo aptitude install bluez-utils gnome-bluetooth

இப்போது “Bluetooth” கோப்புகளை உபுண்டு இணையதினூடாக பதிவிறக்கம் செய்து நிறுவிக்கொள்ளும். பின்னர் “Terminal” ஐ மூடிவிட்டு “Applications -> Accessories -> Bluetooth File Sharing” ஐ அழுத்தவும். பின்னர் உங்களது கைபேசியில் “Bluetooth” ஐ எனேபில் செய்துவிட்டு உங்களது கோப்புகளை கணினிக்கு அனுப்பவும். அனுப்பியவுடன் உங்களது கோப்பானது லினக்ஸ் நிறுவியுள்ள ஹார்ட் டிஸ்கில் இருக்கும் “home>Username” இல் இருப்பதை காணலாம்.

அதேபோல கணினியில் இருக்கும் கோப்பை உங்களது கைபேசிக்கு அனுப்பவேண்டுமென்றால், அந்த கோப்பின் மீது மவுஸால் வலது கிளிக் செய்து “Send To” என்பதை தேர்வு செய்யவும் இப்போது தோன்றும் விண்டோவில் “Bluetooth(OBEX Push)” என்பதை தேர்ந்தெடுத்து அதன் கீழே உங்களது கைப்பேசியை தேர்வு செய்யவும். அவ்வளவுதான் கணினியில் இருக்கும் கோப்பு உங்களது கைபேசிக்கு மாற்றப்பட்டிருக்கும்.

இக்கட்டுரையில் என்னுடைய கைபேசி “Samsung U-600″ மூலமாக சோதித்தேன் எனக்கு எவ்விதமான பிழையும் ஏற்படவில்லை.

குறிப்பு:
உங்களது கைப்பேசியையும் கணினியையும் “bluetooth” ஓடு இணைக்கும் போது “pin number” கேட்கும் 1234 என கனிணியிலும் 1234 என கைபேசியிலும் தரவும். இது உபுண்டுவின் டீபால்ட் பின் எண்கள் ஆகும்.

கீழேயுள்ள காணொளியில் இக்கட்டுரையின் செய்முறையை பார்த்து நீங்களும் “bluetooth” இணைப்பை ஏற்படுத்திக்கொள்ளவும்.

படைப்பு பிடித்திருந்தால் மறக்காமல் வாக்களிக்கவும்

Popularity: 10%