இன்று இணைய பயன்பாடு பலராலும் பயன்படுத்தப்பட்டு வந்த போதிலும் இந்தியாவைப் பொருத்தவரை இணைய வேகம் மேலைநாடுகளை பொருத்தமட்டில் சற்று குறைவே. நம்மால் முடிந்தவரை இணையத்தை நமக்குத் தெரியாமல் பயன்படுத்தும் மென்பொருள்களை கண்டுபிடித்து அதை நீக்கினால் நமக்கு இணையத்தின் வேகம் வழக்கத்தை விட சற்று கூடுதலாகவே வரும்.
Internet Speed Optimization இல் இதுவும் ஒரு அங்கம். இதற்கு நாம் எந்தவொரு மென்பொருளையும் நம் கணினியில் நிறுவத் தேவையில்லை. இந்த சேவை உங்கள் விண்டோஸ் கணினியிலேயே இருக்கிறது. முதலில் உங்கள் கணினியில் உள்ள Run dialog box ஐ திறந்து அதில் perfmon என தட்டச்சு செய்து என்டர் கொடுக்கவும். உங்களுக்கு Performance Monitor விண்டோ திறக்கும்.
இதில் உள்ள Open Resource Monitor என்ற லிங்கை கிளிக் செய்தால் உங்களுக்கு புதியதாய் ஒரு விண்டோ திறக்கும். (இந்த சேவை Windows XP யில் இல்லை என்பது கவலைக்குரிய செய்தி, Vista மற்றும் 7 பதிப்புகளில் இந்த சேவை இருக்கிறது.) இதில் உள்ள Network டேபை கிளிக் செய்தால் உங்களுடைய கணினியில் எந்த மேன்போருளெல்லாம் இணைய இணைப்பை பயன்படுத்துகிறதோ அவை எல்லாம் பட்டியலிடப்படும். அது மட்டுமின்றி அவை எடுத்துக்கொள்ளும் Send/Receive Bytes ஐயும் நமக்குத் தருகிறது.
இதனால் நமக்கு தெரியாத தேவைப்படாத மென்பொருளின் இயக்கத்தை நிறுத்தினால் நம் கணினியில் இணைய வேகத்தை அதிகரிக்க வாய்ப்புண்டு.
Popularity: 30%
நீங்கள் வலைபக்கத்தில் உலா வரும் போது பல புகைபடங்களை நீங்கள் உங்கள் கணினியில் சேமிக்க விரும்புவீர்கள். அத்தகைய படங்களை நமது மவுஸினால் வலது கிளிக் செய்து அந்த படத்தை நம்முடைய கணினியில் சேமிப்போம். இதுவே அந்த வலைபக்கத்தில் சுமாராக 10 அல்லது 20 படங்களுக்கு மேல் இருந்தால் அதனை சேமிக்க நாம் 10 அல்லது 20 முறை நம்முடைய மவுஸை வலது கிளிக் செய்து சேமிக்கத் தேவையில்லை.
உங்களிடம் Firefox இணைய உலாவி இருந்தால் இந்த வேலையை செய்வது மிகவும் சுலபமே. இதற்காக நீங்கள் எந்த ஒரு மென்பொருளோ அல்லது Firefox நீட்சியோ(Addon) உங்கள் கணினியில் நிறுவத் தேவையில்லை. உங்கள் கணினியில் Firefox மட்டும் நிருவியிருந்தாலே போதுமானது. முதலில் புகைப்படங்கள் இருக்கும் ஏதாவதொரு வலைப்பக்கத்தை திறந்து கொள்ளவும். வலைப்பக்கம் முழுவதும் லோடானவுடன் Firefox address bar இல் உள்ள ஐகானை கிளிக் செய்யவும். பின்னர் அதில் உள்ள More Information என்கிற பட்டனை கிளிக் செய்தால் உங்களுக்கு ஒரு popup window திறக்கும். அதில் உள்ள Media பட்டனை கிளிக் செய்தால் உங்களுக்கு அந்த வலைபக்கத்தில் உள்ள அனைத்து Resource File களும் அதாவது அந்த பக்கத்தில் உள்ள படங்கள், அனிமேஷன்கள் மற்றும் வீடியோக்கள் அனைத்தும் பட்டியலிடப்படும்.
இதில் Ctrl+A கொடுத்து அனைத்து கோப்புகளையும் தேர்வு செய்து அதில் உங்களுக்கு தேவையில்லாத கோப்புகளை மட்டும் நீக்கி விட்டு Save As பட்டனை கிளிக் செய்து அனைத்து கோப்புகளையும் ஒரே நேரத்தில் செமித்துக்கொள்ளவும்.
Popularity: 30%
இது அனைவரும் தெரிந்துகொள்ள வேண்டிய ஒரு அத்தியாவசியமான விஷயம். உங்கள் கணினி சீராக இயங்க வேண்டுமென்றால் உங்களுடைய கணினிக்கு சமச்சீரான தட்பவெப்ப நிலை இருக்க வேண்டும். நீங்கள் கணினியில் அதிக நேரம் பயன்படுத்தி வந்தால் உங்களுடைய கணினியில் உள்ள Hardisk, Processor மற்றும் Motherboard கள் விரைவில் வெப்பமாகிவிடும். இதனால் உங்களுடைய கணினியின் ஆயுட்காலமும் வெகுவாக குறைகின்றது. உதாரணமாக 5 வருடம் வரை இயங்கும் தன்மையுள்ள வன்பொருட்கள் 4 ஆண்டுகள் வரையே இயங்கும். இதை யாரும் பெரிதாக எடுத்துக்கொள்வதில்லை. இந்த வெப்பத்தை குறைக்க நம் கணினியில் Processor/Motherboard Cooling Fan பொருத்தப்பட்டுள்ளது. இருப்பினும் இதில் முழு பயனை நாம் அடைவதில்லை.
Speed Fan என்கிற இந்த சிறிய இலவச மென்பொருளைக் கொண்டு உங்களுடைய கணினியின் Temperature ஐ அறிந்துகொள்ளலாம். இதனால் உங்களுடைய கணினி இருக்கும் அறையின் வெப்ப அளவை குறைக்க நீங்கள் வழி வகுக்கலாம். அது மட்டுமின்றி இந்த மென்பொருள் நேரடியாக உங்களுடைய கணினியை கையாளும் திறன் உள்ளதால் உங்களுடைய கணினியை இது கண்காணித்து உங்களுக்கு தெரிவிக்கிறது. பல மணி நேரம் கணினியை பயன்படுத்துபவர்களுக்கு தேவையான ஒரு அவசிய மென்பொருள். இந்த Speed Fan மென்பொருளை பதிவிறக்க இந்த சுட்டியை கிளிக் செய்யுங்கள்.
Popularity: 37%
உங்களுடைய மிக முக்கியமான தகவல்களை மறைத்து வைக்க இந்த steganography தொழில்நுட்பம் பயன்படுகிறது. பொதுவாக நாம் நம்முடைய முக்கியமான தகவல்களை மறைத்து வைக்க அந்த கோப்பிற்கு கடவுச்சொல் கொடுத்து வைப்போம் ஆனால் அந்த கோப்பினை மற்றவர்கள் பார்க்க நேர்ந்தால் இதில் ஏதோ முக்கியமான தகவல்கள் இருக்கிறது என்று அனைவராலும் கணிக்க முடியும்.
இந்த Image Steganography தொழில்நுட்பத்தில் உருவாக்கப்பட்ட இந்த சிறிய மென்பொருள் வழியாக உங்களுடைய .txt கோப்புகளில் உள்ள தகவல்களை உங்களுடைய ஏதாவதொரு புகைப்படத்தில் மறைத்துக்கொள்ளலாம். அந்த புகைப்படத்தை வேறொருவர் பார்த்தால் அதில் மறைத்துவைக்கப்பட்டுள்ள தகவல்களை எவராலும் பார்க்க முடியாது. அது மட்டுமின்றி இந்த புகைப்படங்களை யாருக்கு வேண்டுமானாலும் நீங்கள் அனுப்பலாம். இந்த மென்பொருளை வைத்திருப்பவர்களால் மட்டுமே உங்கள் படத்தில் ஒளித்துவைக்கப்பட்ட தகவல்களை பார்க்க முடியும்.
இந்த மென்பொருளை பதிவிறக்க இந்த சுட்டியை க்ளிக் செய்யவும்.
Input File இல் உங்களுடைய .txt கோப்பையும் Input Image இல் உங்களுடைய புகைப்படத்தையும் தேர்வு செய்து Encode பட்டனை க்ளிக் செய்து உங்களுக்கான புகைப்படத்தை சேமிக்கவும். மீண்டும் அதில் உள்ள தகவலை திரும்பப்பெற HAL File இல் உங்களுடைய encode செய்யப்பட்ட புகைப்படத்தை தேர்வு செய்து Decode க்ளிக் செய்தால் உங்களுடைய மறைத்துவைக்கப்பட்ட தகவலைபெறலாம்.
குறிப்பு: இது Java தொழில்நுட்பத்தில் உருவாக்கப்பட்டதால் உங்களுடைய கணினியில் ஜாவா நிறுவியிருத்தல் அவசியம். ஜாவா இல்லையென்றால் இந்த சுட்டியை க்ளிக் செய்து பதிவிறக்கிக்கொள்ளவும். JAR பைலை அப்படியே Double Click செய்து ரன் செய்யவும்.
Popularity: 91%
